Prej disa ditësh tashmë banorët e fshatit Zharrëz janë futur në grevë urie, kjo për të protestuar ndaj dëmeve që u kanë shkaktuar lëkundjet e tokës, sipas të cilëve ua ka shkaktuar kompania e nxjerrjes së naftës në Patos-Marinzë.
Por ekspertët e Institutit të Gjeoshkencës të kontaktuar nga televizioni Top Channel, deklarojnë se bëhet fjalë për dy ngjarje të ndryshme.
“Zona e Gjirokastrës është e njohur për aktivitetin tektonik kurse Patos Marinza nuk ka linjamente tektonike”, është shprehur Edmond Dushi nga instituti në fjalë.
Sipas tij, për të arritur në një konkluzion më të saktë duhen studime më të thelluara që mund të arrihen duke shtuar numrin e stacioneve sizmiologjike në zonë.
Ndërsa kompania e naftës Bankers, thotë se lëkundjet e tokës janë jashtë territorit të fushës naftëmbajtëse dhe ata nuk mbajnë përgjegjësi. (D.D/Shuplaka)
Discussion about this post