Kryetari i Bashkisë së Vlorës Dritan Leli gjatë një lidhje telefonike për emisionin “Pasdite me Xhaxhiun” në Fax News foli mbi masat që po merr bashkia që ai drejton në lidhje me hapjen e sezonit turistik.
Ai tha se “nuk e mendonim se do të kishim një sezon turistik këtë verë për shkak të pandemisë por me ecurinë e kurbës pandemike Bashkia Vlorë po punon për hapjen e sezonit turistik.
Leli deklaroi se “po i marrim të gjitha masat e duhura për zhvillimin e sezonit turistik duke respektuar masat e vëna kundër pandemisë sië është ajo e distancimit social dhe jo vetëm. Ne jemi duke u përgatitur për këtë sezon me të gjitha kapacitetet e mundshme”.
Kujtojmë se pandemia 2 mujore që akoma nuk ka mbaruar e vuri në dyshim hapjen e sezonit turistik.Me rënien e kurbës pandemike në vend qeveria ka filluar planet për rihapjen e vendit ku përfshihet edhe ajo e hapjes së sezonit turistik në vend.
Dje edhe Kryeministri Rama e la të hapur mundësinë e hapjes së fluturimeve në fund të majit.
https://www.facebook.com/faxnews.tv/videos/863889354080572/?t=769
