Publikohet një audio e rregjistruar nga momenti i shoqërimit të Leonard Kokës në polici. Ndërmjetësi i marrëveshjes PS-LSI, vëllai i ministrit Lefter Koka, i cili u shoqërua sot në komisariat nën akuzën për “kundërshtim të forcave të policisë”.
Në audion e rregjistruar, Koka dëgjohet duke pyetur policët se përse po e shoqërojnë në komisariat, por përgjigja e njërit prej tyre lë për të dëshiruar.
“A po më shoqëron, a je ti komandanti? Më jep një arsye o vlla përse po më shoqëron?”, dëgjohet Koka. Ndërsa polici i përgjigjet: “Do ta tregoj më vonë”.
Leonard Kokës iu bllokua sot makina nga policia, për shkak se djali i tij u ndalua për shekje të kodit rrugor. Sipas policisë, ky bllokim i makinës është bërë rreth orës 13:15 të ditës së sotme. Fillimisht eflektivët e policisë kanë ndaluar makinën që drejtohej nga i biri por më pas aty ka mbërritur edhe vetë Leonard Koka. Djalit iu hoq leja e drejtimit nga patrulla e qarkullimit, ndërsa Koka mbeti në komisariat përreth tre orë me radhë. Në një prononcim për “BW”, Koka i mohoi akuzat e policisë ndaj tij, dhe akuzoi drejtorin e policisë Durrës, se me shoqërimin e tij në polici, po mundohej të tërhiqte vëmendjen e medias dhe të opinionit publik, për ta larguar nga droga e trafikuar në kufirin italian. (D.D/Shuplaka)
Discussion about this post