Naum Toshi, i cili në orët e para të mëngjesit të sotëm vari fëmijët e tij, djemtë 4 dhe 6 vjeç dhe më pas edhe veten, ka lënë një letër për të atin e tij.
Në letër ai rrëfen shkaqet që do e çonin drejt aktit makabër duke e mbyllur në fund me fjalët: “Po iki bashkë me fëmijët e mi”.
Krimi makabër ka ndodhur sot në Korçë, ndërsa kanë qenë familjarët e Toshit që e kanë gjetur atë të vetëvarur dhe dy fëmijët ishin në tokë, të pajetë.
Gjithçka mësohet se ka lidhje me nusen e Toshit, Marselën 24 vjeçe e cila punonte si kameriere në lokale nate.
LETRA:
“Ngjitu lart dhe shiko! Babi unë s’të pyeta kur e mora gruan dhe s’po të pyes as tani pse po iki! Po i jap fund jetës dhe fëmijët po i mar me vete! Ajo mori rrugë tjetër! S’më dëgjoi që të kthehej pranë familjes dhe të hiqte dorë nga jeta e rrugës! S’u kujdes asnjëherë për fëmijët! Asnjëherë s’pyeti nëse ushqeheshin apo jo! Ajo shkatërroi çdo gjë! Dhe unë ndaj po iki bashkë me fëmijët e mi!”.
