Vajza e Dritëro Agollit, Elona Agolli ka publikuar dy letrat e fundit të babait të saj. Shkrimtari ka shkruar duke iu dridhur dora premtimin e pambajtur, që për të ishin pushimet e fundit. Ëndëronte shumë për Porgradecin pasi nuk ishte hera e parë që bënte pushimet atje. Por edhe këtë verë ai bashkë me Sadijen dëshironte të kalonte disa ditë anës liqenit por që nuk mundi. Një premtim i pambajtur nga Agolli.
“Në verë do të shkojmë në një hotel buzë liqenit. Atje do të ndjekim me sy pulëbardhat që shpërndahen e bashkohen mbi cipën e kaltër, duke formuar një lule të bardhë të madhe, që zhduket e shfaqet, që shpërbëhet dhe bëhet përsëri mes thirrjesh të sinqerta gëzimi”, shkruhet në letrën lënë së shoqes Dritëroi.
Por edhe pse po luftonte me sëmundjen e rëndë ai edhe në ditët e fundit thurrte ëndrra me Sadijen, gruan e tij.
“Ne, dy pleq të ulur në ballkon, do t’i ndjekim me sy këto qenie të bardha duke psherëtirë. Pak kohë na ka mbetur, ta soditim këtë mrekulli! Mbase do të jetë hera e fundit… Dritëro.”, shkruante Dritëroi.
Dritëro Agolli u ndaj nga jeta në muajin shkurt në moshën 85 vjeçare. (J.V/Shuplaka)
Discussion about this post