Një ditë pas intervistës së famshme në të cilën Diana pranoi publikisht dështimin e martesës, princesha i është përgjigjur një letre të një fanseje, e cila duke gjetur veten në fjalët e saj, i këshilloi të luftojë dhe të mos humbasë kurrë vetëvlerësimin. Ka qenë Daily Mail ajo që ka dhënë detajet, fiks 20 vite më pas.
Fansja është një grua dhe përveç emrit Erika nuk dihet asnjë detaj më tepër. Data i përket 29 nëntorit të vitit 1995.
“E dashur Erika, kam marrë letrën dhe sigurisht që e lexova me kujdesin më të madh dhe shpresoj të të jem një suport me aq sa mundem. Kam një dhimbje të madhe brenda vetes, një ‘bllokim’ siç e quan ti dhe është një situatë normale për dikë që po kalon një traumë, ashtu siç po e përjeton edhe ti.
Lexoj mes rrjeshtave të letrës tënde dhe e kuptoj që është një vajzë e veçantë e cila vuan nga mungesa e vetëbesimit për shkak të ngarkesës që ka sipër, fizikisht dhe mendërisht.
Di vetëm që të është dashur një guxim i madh për të shkruar ashtu siç ke bërë ti dhe me një ndershmëri që ndriçonte tunelin. Po të mendoj shumë, rezisto Erika. Me shumë dashuri, Diana”, shkruante princesha në letër.
Fjalët e princesësh dukeshin mjaft familjare, sikur i ishte drejtuar vetes. Lady D, në fakt, nuk e kishte fshehur kurrë pasigurinë e saj gjatë martesës së palumtur me princin Çarls. Më vonë ajo vuajti shumë nga çmegullimet në të ngrënë. Letra është një dokument i çmuar që është dërguar në ankand për një shifër prej 4 mijë dollarësh.
Martin Nolan nga shtëpia e ankandit Julien Auction që po merret me ankandin tha se Erika është thjesht një njeri i zakonshëm nga populli.
“E kishim kuptuar që Erika ishte ishte thjesht një njeri i thjeshtë nga populli që po kalonte një periudhë të vështirë dhe i shkruajti Dianës për të marrë këshilla dhe mbështetje, në momentin që ajo zbuloi ndarjen”, u shpreh ai.
(J.D/Faxweb.al)
Discussion about this post