Në Tiranë është arrestuar nga policia një 31 vjeçar pasi lëvizste me armë me vete. Në prangat e policisë ka rënë Bylbyl Halili. Arma është gjetur në makinën tip “Porche” të 31-vjeçarit.
DETAJE:
Qarkullonte me armë zjarri pa leje në kryeqytet, kapet dhe arrestohet në flagrancë nga “Skuadra Shigjeta” e Forcës së Posaçme Shqiponja.
Sekuestrohet arma e zjarrit Pistoletë me 14 copë fishekë.
Më datë 31.08.2017 është bërë i mundur arrestimi i shtetasit :
– B. H, 31 vjeç, në Tropojë.
Arrestimi i tij u bë i mundur pasi gjatë kontrollit të ushtruar në rrugën “Bardhyl” nga Skuadra Shigjeta rreth orës 14:30, në automjetin tip Porsche Panamera, me të cilin ky shtetas po lëvizte është gjetur një armë zjarri pistoletë e markës “Glock”, me një krehër me 14 (katërmbëdhjetë) copë fishekë kalibër 9 mm.
Sekuestrohen në cilësinë e provës materiale :
– Automjeti i markës Porsche Panamera.
– Pistoletë e markës “Glock”me një krehër me 14 (katërmbëdhjetë) copë fishek kalibër 9 mm.
– 2105 (dymijë e njëqind e pesë) euro.
– 55.500 lekë të reja.
– Një telefon i markës Blackberry.
Materialet iu referuan Prokurorisë Pranë Gjykatës së Shkallës së Parë Tiranë për veprime të mëtejshme në ngarkim të shtetasit të lartpërmendur, për veprën penale “Prodhim dhe mbajtja pa leje e armëve luftarake dhe municionit”, parashikuar nga neni 278/4 i Kodit Penal. (J.V/Shuplaka)
