Në Elbasan një 28-vjeçar ka rënë në pranga, pasi lëvizte me armë zjarri pa leje. Erion Çapja u prangos në Lagjen “Emin Matraxhiu”, pasi gjatë kontrollit të ushtruar në automjetin me targa AA 831 LU, që drejtohej nga shtetasi i lartpërmendur, policia ka gjetur dhe sekuestruar në cilësinë e provës materiale një pistelotë me mulli.
NJOFTIMI I POLICISE
Qarkullonte me armë zjarri pa leje, arrestohet në flagrancë nga policia.
Sekuestrohet një armë zjarri pistoletë dhe një automjet. Specialistët për Krimet në Komisariatin e Policisë Elbasan bënë arrestimin në flagrancë të shtetasit: Erion Çapia, 28 vjeç banues në Elbasan. Arrestimi i tij u bë pasi në Lagjen “Emin Matraxhiu”, gjatë kontrollit të ushtruar në automjetin me targa AA 831 LU, që drejtohej nga shtetasi i lartpërmendur, policia ka gjetur dhe sekuestruar në cilësinë e provës materiale:
Një armë zjarri pistoletë me mulli me 6 fishekë të kalibrit 9 mm.
Gjithashtu u sekuestrua dhe automjeti që drejtohej nga shtetasi Erion Çapia.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit” parashikuar nga neni 278/1 i Kodit Penal. (J.V/Shuplaka)
