Paralelisht me seancën plenare po mbahet dhe një protestë jashtë sallës së Parlamentit nga “Lëvizja Bashkë”. Protestuesit kërkojnë vendosjen me ligj të Minimumit Jetik.
Në fjalën e tij kreu i kësaj lëvizjeje, Arlind Qori u shpreh se ky shtet drejtohet prej një uzurpatori si kryeministri Rama që nuk do t’ja dijë për hallet dhe nevojat e njerëzve. Prandaj pensionet dhe rrogat janë aq të ulëta.
Është e nevojshme që më së pari të bëhet një llogari sa i duhet një njeriu që jeton në Shqipëri, sa para i duhen për të mbajtur frymën gjallë dhe në këtë mënyrë rriten rrogat dhe pensionet.
Arlind Qori: Ky shtet nuk lejon të bëjë një llogari të thjeshtë se sa lekë i duhet një njeriu të mbajë frymën në këmbë. Shteti nuk do tja dijë për pensionistët me një penision miminimal prej 8000 lekësh të reja dhe mesatar prej 15000 lekësh të reja. Nuk do tja dijë për hallet dhe nevojat që kanë. Pension invaliditeti nuk shkon më shumë se 12 000 lekë të reja. Nuk do tja dijë për punëtorët, për kushtet e punës, nuk do tja dijë për shfrytëzimin në punë, për pagën minimale, për pagën mesatare. Këta i urrejnë dhe i përçmojnë punëtorët. Ky shtet drejtohet nga një uzurpator. I konsideron punëtorët shqiptarë dembelë dhe të paaftë dhe prandaj duhet të punësojnë të huaj dhe shqiptarët të bëjnë thashetheme. Nuk do tja dijë për studentët.
