Presidenti Meta ka firmosur pak minuta më parë dekretin për lirimin e Sandër Lleshit nga statusi i ushatarakut, çka duket se i hap rrugë dhe dekretimit të tij në krye të Ministrië së Brendshme.
Duket se presidenti Meta nuk do t’i thojë jo për herë të dytë Sandër Lleshit, duke e kthyer ministrinë e brendshme në normalitet, dhe duke shmangur përplasjen e mëtejshme me kryeministrin Edi Rama.
Bllokimi i Lleshit ka nxjerrë në skenë ditët e fundit një sërë replikash në distancë mes Ramës dhe Metës, por duket se presidenti tashmë ka marrë përgjigjet e duhura nga institucionet.
DEKRETI I METËS:
Në mbështetje të nenit 93, të Kushtetutës, të nenit 9, pika 3, shkronja “g”, të ligjit nr. 64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, i ndryshuar, të nenit 26 pika 1, shkronja “ç”, të ligjit nr. 59/2014 “Për karrierën ushtarake në Forcat e Armatosura të Republikës së Shqipërisë”, me propozim të Ministrit të Mbrojtjes nr. 8210/1 prot., datë 15.11.2018,
D e k r e t o j
Neni 1
Gjeneral Brigade Sandër Ndue Lleshaj, nxirret në lirim.
Neni 2
Ky dekret hyn në fuqi menjëherë.
(E.K/FAXWEB.AL)
Discussion about this post