Në datën 7 tetor pritet të zhvillohet Asambleja e PS për të zyrtarizuar emrat e zv/ ministrave të qeverisë ‘Rama 2’. Ndërkaq në disa prej tyre kanë nisur që tani lëvizjet.
Sipas ‘’report tv” është zbardhur emri i parë i në zv/ ministri në qeveri. Në Ministrinë për Europën dhe Punët e Jashtme zv/ ministre do të jetë Artemis Dralo.
Artemis Dralo do të emërohet zëvendëse e Bushatit. Ajo është minoritare greke dhe në këtë post do të zerë vendin e një çami, Halil Hysenit.
Artemis Dralo ka qenë kandidate e PS në Dropull, por ngeli jashtë Parlamentit, pasi nuk ishte në listën fituese. A është kjo një lëvizje e Ramës për të zbutur dhe marrëdhëniet e acaruara me Greqinë?
Mes shumë gjasa po. Jo më larg se dje ministri i Jashtëm grek Nikos Kotzias u shpreh se ishte i mendimit që Greqia nuk duhet të kishte pranuar statusin e vendit kandidat të Shqipërisë për në BE pa vënë asnjë kusht, pasi sipas tij qeveritë e mëparshme greke nuk kanë vënë kushte për këto kandidatura.
“Siç duhet ta dini, Shqipëria është vend kandidat për anëtar i Bashkimit Europian. Për fat të keq, ashtu si dhe për fqinjin tonë verior, Shkupi, këto kandidatura u dhanë pa kushte nga qeveritë e mëparshme greke”, është shprehur Kotzias në një intervistë për televizionin publik ERT 1.
Më tej, ministri i Jashtëm tha se qeveria greke ka vënë edhe kushte të tjera për hapjen e negociatave të anëtarësimit të Shqipërinë, përveç reformimimit të sistemit gjyqësor.
“Që të hapen negociatat për anëtarësim, duhet që këto vende të plotësojnë disa kërkesa. Shqipërisë, KE i vuri si kusht reformën e sistemit gjyqësor. Komisioni Europian humbi kur erdhi në këshillin e çështjeve të përgjithshme, sepse ne shtruam katër kërkesa të tjera”, tha Kotzias.
(E.K/SHUPLAKA)
