Në Bruksel, shtetet anëtare pjesëmarrëce në Konferencën e Donatorëve po shpallin publikisht angazhimin e tyre me fonde për procesin e rindërtimit pas termetit te 26 nentorit.
Franca ka ofruar një shumë të madhe prej 160 milionë eurosh për Shqipërinë, pas tërmetit shkatërrues të 26 nëntorit.
Mësohet se Franca ka ofruar 100 milion euro për financimin e projekteve dhe 60 milionë euro do të jepen hua për rindërtimin e sistemit ujor të Shqipërisë.
“Kemi nënshkruar me kryeministrin Edi Rama një kontratë që synon të realizojmë projekte. Ne do të financojmë projekte në vlerë 100 milionë euro. Përveç kësaj japim hua për 60 milionë euro për rindërtimin e sistemit ujor të Shqipërisë, 1 milionë në formën e ndihmën humanitare që ne e vumë menjëherë në dispozicion pas katastrofës. Shpresoj që kontributi ynë do ta ndihmojë Shqipërisë”, tha ministri i jashtëm Frances.
Ndërkohë Italia mësohet se ka ofruar 65 milionë euro. Më herët është raportuar se 11 milionë euro do të japë Gjermania për rindërtimin e Shqipërisë pas tërmetit të 26 Nëntorit, që iu mori jetën 51 personave, dhe la të pastrehë mijëra të tjerë.
Lista e dhurimeve sipas shteteve deri më tani:
BE- 100 milion euro
KE- 15 milion euro
Gjermania – 11 milion euro
Italia- 65 milionë euro
Franca- 100 milion euro
Suedia- 5.6 milion euro
Britania e Madhe- 1 milion pound
Kroacia- 1 milion euro
Luksemburgu- 250 mijë euro
Serbia- 2 milionë euro
Polonia- 2.7 milion euro
Danimarka- 2.7 milione euro
Greqia- 2.5 milione euro dhe 200 shtëpi,
Holanda- 3 milion euro,
Sllovakia jep 250 mijë euro për rindërtimin e objekteve arsimore,
Austria jep 1 milion euro për rindërtimin,
Republika Çeke jep 9.5 milionë koruna,
Sllovenia do të japë 300 mijë euro për ndërtimin e një shkollë në një nga zonat e prekura.
Bullgaria 350 milionë euro
Rumania 2 milionë lekë
