Xhelal Svelça, deputet i Vetëvendosjes në një lidhje të drejtpërdrejt me studion e Fax News është shprehur se marrëveshja për Demarkacionin me Malin e Zi nuk duhet të kalojë ditën e nesërme në Kuvendin e Kosovës
“Ky proces po zgjat 3 vite. Njëherë kemi pas një komision qeveritar, rezultatet e të cilit Vetëvendosje i ka luftuar së bashku me qytetarët e Kosovës me një peticion që është nënshkruar nga 250 mijë firma në vitin 2015.
Qeveria e re ka krijuar komision të ri që ka gjetë shkelje të rënda penale e që ka hedhur poshtë punën e komisionit të kaluar. Për shak të presionit ndërkombëtar ndaj Hashim Thaçit, qeveria po mundohet që përmes një deklarate të nënshrkuar mes Thaçit dhe presidentit të Malit të Zi, ta rikthejë sërish këtë proces.
Në vend që kufiri i vitit 1974 vetëm të demarkohet, në fakt ka ndodhur përmirësim nga të dyja komisionet pa lejen e parlamentit dhe pa transparencë. Mund të ketë ndodhur sepse komisioni shtetëror të ketë pranuar kushtet e vendosura nga Mali i Zi pa kundërshtim.
Ne jemi për marrëdhenie të fqinjësisë së mirë me Malin e Zi dhe për përcaktimin e kufirit por jo për humbjen e 8200 hektarë të Kosovës. Është vërtetuar shkencërisht nga ekspertë të Kosovës që Demarkacioni sjell 8200 hektarë humbje. Ne mendojmë që Kosova është tepër e dobët për të humbur territor. Ajo çka ka ndodhur me këtë proces është një deklaratë nga dy presidentët që thjesht do të bëjmë ndonjë korrigjim në vogël aty këtu në kufirin e vitit 1974. Ata 8200 hektarë janë tokë gjeografikisht e rëndësishme sepse ka potencial të madh dhe përfshin majat e maleve.
Ne nuk mendojmë se duhet të japim territor që të na liberalizohen vizat. Kosova është i vetmi vend që përballet me këtë kërkesë, asnjë vend tjetër evropian nuk i kërkohet të japë territor, ne jemi për demarkim kufiri jo për dhënie territoresh.” – është shprehur Svelça ndër të tjera në lidhje direkte me Fax News.
(E.L/Faxweb)
