Nga Romeo Gurakuqi
Lëvizje mandatesh pa kryer një regjistrim të verifikueshëm dhe të kontrollueshëm? Zgjohuni dhe vendosni në regjistrin e votimit, shqiptarët e emigracionit, të cilët kryen përmbysjen e vitit 1991, fëmijët e tyre mbi 18-vjeçare, ndryshe Rilindasit e Diktaturës do vazhdojnë konsolidimin e pozitave të pushtetit ekonomik, politik dhe do të zgjerojnë kulturën e dhunës dhe kanabisit.
Ngrihuni dhe anulloni vendimin e heqjes së mandateve në Tropojë, Kukës dhe Berat dhe angazhojuni në një proces të studiuar të rindërtimit të Regjistrit Nacional Elektoral, bazuar në Ligj dhe në Regjistrin Nacional të Gjendjes Civile të vitit 1991, mbi bazën e të cilit të rindërtoni në mënyrë transparente dhe më metodike të qartë e të arsyeshme, rishpërndarjen 140 kolegjeve elektorale të Shqipërisë.
Mos harroni njerëzit që kanë të regjistruar veten dy herë: në vendin e prejardhjes me emrin e vërtetë dhe në Tiranë e Durrës me emërtimin post-cannabis. Ata votojnë dy herë: në kryeqytet dhe në plantacionin tradicional.
Lëvizja që po kryhet, është një fitore që synohet të realizohet matematikisht në tavolinë.
Është një lëvizje e dytë, që i bashkohet lëvizjes së parë, asaj të ndarjes territoriale të Shqipërisë, në mënyrë të zhbalancuar, me syrin e Kryerilindasit dhe adjutantëve të tij jakobiniste.
Çdo fushatë e Shqipërisë Opozitare, e Shoqërisë Civile, do jetë e kotë pa bërë këtë hap themeltar, të barazimit të Trupit Zgjedhor të Shqipërisë.
Çdo fushatë nuk ka shumë shanse për ripërtëritjen e lirisë, në qoftë se vrulli i shoqërisë që mendon vetë, nuk aktivizohet dhe posaçërisht, në qoftë se forca e shqiptarëve të ndershëm të emigracionit, nuk përdoret për ndryshimin për kah Liria, të zemrës politike të atdheut.
Zgjohuni, Mendoni, Veproni dhe Lini pas të shkuarën!
Discussion about this post