Lëviznin me armë dhe u munduan t’i shpëtonin policisë, arrestohen dy shqiptarë për vrasje dhe vjedhje në Greqi

Policia greke DI.AS Group ka arrestuar dy shqiptarë në qytetin e Athinës  të cilët akuzohen për vrasje,vjedhje, armëmbajtje pa leje dhe  trafik droge.

Dy shqiptarët e moshave 30 dhe 37 vjeç identiteti i të cilëve ende nuk është bërë i ditur u ndaluan nga policia  pasi makina me të cilën ata po lëviznin në rrugën Patission Street nuk ndaloi nga sinjalit nga Forcat e rendit.

Nga kontrolli i bërë nga Policia 30 vjeçari mbante 2 pistoleta me fishekë brenda, ndërsa 37 vjeçari kishte me vetë një dozë kokainë prej 5 gramësh, një thikë dhe është dënuar me 20 vite burg për një vrasje të kryer më parë.

Makina me të cilën ato po lëviznin ishte një makinë e vjedhur, ndërkohë që 30-vjeçari ishte pa leje qëndrimi në shtetin grek.