Policia ka arrestuar një shtetas I cili qarkullonte nëpër qytet I paisur me armë zjarri. Pas kontrollit të ushtruar shtetasit M. G., 22 vjeç, banues në Fier i është gjetur edhe një sasi e dyshuar lëndesh narkotike.
Sipas policisë shtetasi është ndaluar në rrugën “Kostandin Kristoforidhi” për kontroll mjeti por që gjatë kontrollit policia ka zbuluar se 22 vjeçari mbante me vete edhe një pistoletë e tipit “Zaztava” si dhe një krëhër pa fishekë.
Pistoleta dhe lënda narkotike Cannabis Sativa janë sekuestruar në cilësinë e provës materiale, ndërkohë policia ka arrestuar shtetasin M.G.. 22 vjeçari akuzohet për veprat penale “Prodhim dhe mbajtja pa leje e armëve dhe municionit luftarak” dhe “Prodhim dhe shitje lëndësh narkotike”.
Njoftimi i policisë:
Tiranë
Qarkullon me armë zjarri në kryeqytet, arrestohet në flagrancë nga Policia. Gjatë kontrollit fizik të ushtruar i gjendet dhe një sasi e dyshuar lënde narkotike. Shërbimet e Policisë të Komisariatit Nr.1, arrestuan në flagrancë shtetasin:
M. G., 22 vjeç, banues në Fier.
Në rrugën “Kostandin Kristoforidhi” është ndaluar për kontroll mjeti me drejtues shtetasin M. G. Gjatë kontrollit fizik drejtuesit të mjetit, shtetasit M. G., i është gjetur një pistoletë tip “Zaztava” me krehër pa fishekë dhe 0.8 gramë lëndë e dyshuar narkotike Cannabis Sativa, të cilat u sekuestruan në cilësinë e provës materiale.
Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasit të lartpërmendur për veprat penale “Prodhim dhe mbajtja pa leje e armëve dhe municionit luftarak” dhe “Prodhim dhe shitje lëndësh narkotike”, parashikuar nga nenet 278 dhe 283 të Kodit Penal.
Discussion about this post