Barcelona fitoi dje në fushën e Portos për ndeshjen e dytë të grupeve në Champions League me rezultatin minimal 0-1. Golin e katalanasve e shënoi Ferran Torres. Megjithatë gjatë lojës, sulmuesi polak Robert Lewandowski u dëmtua dhe la fushën me dhimbje.
Ky është një lajm i keq për Barcelonën pasi 35-vjeçari u godit në kavilje nga një lojtar kundërshtar. Ai do të mungojë në fundjavë përballë Granadas.
Por mund të mungojë edhe në El Classicon kundër Real Madrid në fund të muajit. Jo vetëm kaq por do të mungojë edhe në ndeshjet ndaj Athletic Bilbaos dhe Shaktar Donetsk në Champions.
Për më tepër javën e ardhshme rikthehen ndeshjet e kombëtareve dhe Polonia ka dy ndeshje të rëndësishme me Moldavinë dhe Ishujt Faroe.
Discussion about this post