“Lexo, zgjero njohuritë për të shmangur broçkullat”, Gjiknuri ka një këshillë miqësore për Tabakun

Ministri i Energjisë dhe Industrisë, Damian Gjiknuri, ka reaguar pas deklaratës së deputetes demokrate, Jorida Tabaku, se qeveria ka larguar investimet e huaja.

Gjiknuri thotë se ka një këshillë miqësore për deputeten Tabaku, se kjo e fundit duhet të lexojë më shumë për të shmangur broçkullat.

“Kur të marrësh përsipër të dalësh përpara mediave bëj një sakrificë dhe lexo së paku ligjin për të ditur kompetencat ligjore të ministrive dhe fushën e veprimit. Përveçse do të zgjerosh njohuritë në fushën e hidrokarbureve do të shmangësh broçkullat si këto të sotmet”,-shkruan Gjiknuri. 

Postimi i plotë i Gjiknurit:

Një këshillë miqësore për deputeten Tabaku. Kur të marrësh përsipër të dalësh përpara mediave bëj një sakrificë dhe lexo së paku ligjin për të ditur kompetencat ligjore të ministrive dhe fushën e veprimit. Përveçse do të zgjerosh njohuritë në fushën e hidrokarbureve do të shmangësh broçkullat si këto të sotmet. Ministria e Infrastrukturës dhe Energjisë inspekton dhe garanton parametrat e sigurisë teknike dhe cilësisë së produktit që tregtohet dhe nuk trajton apo monitoron aspektet e tregut. Çdo veprim spekulativ dhe abuziv në treg, përfshirë dhe rastin në fjalë duhet dhe jam i bindur se po ndiqet rigorozikisht nga strukturat e specializuara ligjzbatuese, Policia e Shtetit, Tatimet dhe Prokuroria.

(F.G/Faxweb.al)