Në Lezhë, përkujtimi i ditëlindjes së heroit kombëtar Gjergj Kastrioti – Skënderbeu mbetet një traditë e vyer. Me rastin e 620-vjetorit të lindjes së tij, në Memorialin e Skënderbeut u organizua një aktivitet përkujtimor ku morën pjesë përfaqësues të pushtetit vendor, qytetarë dhe nxënës shkollash.
Përgjegjësi i Trashëgimisë Kulturore në Bashkinë Lezhë, historiani Paulin Zefi, theksoi rëndësinë e ruajtjes së kujtesës historike dhe vlerave që përfaqëson Skënderbeu, pavarësisht pasaktësive që mund të ekzistojnë mbi datën e saktë të lindjes së tij.
Sinkron: Paulin Zefi, Përgjegjës i Trashëgimisë Kulturore, Bashkia Lezhë
Nënkryetarja e Bashkisë Lezhë, Eueda Molla, u shpreh se nën udhëheqjen e Gjergj Kastriotit shqiptarët nuk ishin thjesht një popull që mbrohej, por një komb në ngritje që sfidonte pushtuesin.
Sinkron: Eueda Molla, Nënkryetare e Bashkisë Lezhë
Aktiviteti u përmbyll me një koncert muziko-letrar, i cili i kushtohej figurës së lavdishme të heroit tonë kombëtar.
