Lezhë, Goditet një rast i prodhimit dhe shitjes së lëndëve narkotike të llojit kokainë, ndalohet një shtetas

 Goditet një rast i prodhimit dhe shitjes së lëndëve narkotike si dhe ndalohet një shtetas në kërkim për vepra penale në fushën e narkotikëve.

Policia njofton se janë  Sekuestruar 46, 67 gram lëndë narkotike Kokainë dhe është arrestuar një shtetasi Elton Gjini.  

Gjatë kontrollit në mjetin e tij tip BMW të cilin po e drejtonte, iu gjet dhe iu sekuestrua një sasi prej 46, 67 gram lëndë e dyshuar narkotike Kokainë.

NJOFTIMI I POLICISË:

Më datë 16.06.2017, nga Seksioni kundër narkotikëve në Drejtorinë Vendore të Policisë Lezhë , në vijim të punës për goditjen e veprimtarisë kriminale të prodhimit dhe shitjes së lëndëve narkotike si dhe vendosjes para përgjegjësisë penale të autorëve, kanë : Arrestuar në flagrancë shtetasin: Elton Gjini, 46 vjeç, banues në Lezhë. Gjatë kontrollit të ushtruar tek Kryqëzimi i Shënkollit, në mjetin e tij tip BMË të cilin po e drejtonte, iu gjet dhe iu sekuestrua një sasi prej 46, 67 gram lëndë e dyshuar narkotike Kokainë. Materialet proceduriale do ti kalojnë Prokurorisë së Rrethit Gjyqësor Lezhë për vepren penale “Prodhim dhe shitje e lëndëve narkotike” parashikuar nga neni 283/1 i Kodit Penal. —— Gjithashtu , në vijim të këtij plan veprimi , kanë ndaluar shtetasin në kërkim : – Astrit Tafaj, 38 vjeç, lindur në Malbardhë – Kurbin Për këtë shtetas Gjykata e Shkallës së Parë për Krimet e Rënda Tiranë ka caktuar masën e sigurisë “Arrest me burg” për veprat penale ” Grup i strukturuar kriminal ” ” Kryerja e veprave penale nga organizata kriminale dhe grup i strukturuar kriminal” dhe “Kultivimi i bimëve narkotikëve” parashikuar nga nenet 284/2 , 333/a dhe 334 të Kodit Penal.(B.H/Shuplaka)