Policia e Lezhës vijon me intensitet operacionin antikanabis të koduar “Koordinata”, me qëllim parandalimin dhe goditjen e kultivimit të bimëve narkotike.
Në kuadër të këtij operacioni u zbulua në Malin e Rrencit një parcelë me rreth 3334 fidanë dhe bimë të dyshuara të llojit cannabis sativa, të cilat u asgjësuan në vend me anë të djegies, ndërsa një pjesë u sekuestrua si provë materiale.
Arrestuar në flagrancë:
- Serxhio Bregna (alias Serxhio Matija), 30 vjeç, banues në Velipojë, Shkodër – i shpallur më parë në kërkim për veprën penale “Plagosje e lehtë me dashje”.
Të shpallur në kërkim:
- Mateo Bregna, 25 vjeç (vëllai i të arrestuarit);
- Florjan Fratija, 30 vjeç, të dy banues në Velipojë, Shkodër.
Sipas burimeve zyrtare, vëllezërit Bregna janë të shpallur në kërkim edhe për përfshirje në një konflikt të mëparshëm me pasoja penale.
Gjatë operacionit u sekuestrua një armë gjahu, që dyshohet se përdorej për ruajtjen e parcelës.
Policia e Lezhës, në bashkëpunim me strukturat e Shëngjinit dhe njësitë të tjera operacionale, vijon punën për kapjen e të kërkuarve dhe dokumentimin e plotë të veprimtarisë kriminale.
Operacioni antikanabis “Koordinata” vijon në zona me risk në të gjithë qarkun e Lezhës dhe më gjerë.
