LGBT i ka nisur një letër zyrtare kreut të PD-së Lulzim Basha ku i kërkon qëndrim zyrtar në lidhje me kauzën e tyre.
Pas deklaratave të deputetit Tritan Shehu që e quajti homoseksualizmin sëmundje, ky komunitet kërkon një qëndrim zyrtar nga ana e PD-së.
Drejtuar: Partisë Demokratike të Shqipërisë, Kryetarit, z. Lulzim Basha I nderuar z. Basha,
Bazuar në legjislacionin në fuqi për të drejtën e informimit në Republikën e Shqipërisë, po sidomos bazuar në interesin e lartë publik, po ju dërgojmë përmes këtij dokumenti kërkesën tonë zyrtare për të na kthyer një përgjigje për cështjen si më poshtë vijon:
Në emisionin “Pasdite në Top Channel” shfaqur në televizonin kombëtar Top Channel, deputeti i partisë dmeokratike për qarkun e Gjirokastrës, z. Tritan Shehu e konsideroi komunitetin LGBTI si jo normal duke aluduar se të qënit homoseksual (gej, lezbike, biseksual/e, transgjinorë) është një gjëndje jo normale, pra patoligjike, ose sëmundje. Më konkretisht, duke iu referuar Planit Kombëtar të Masave për LGBT miratuar me vendim të qeverisë në 2016 z. Shehu u shpreh në transmetimin e datës 26 Mars të emisionit në fjalë se:
“Ky protokoll synon të krijojë disa keqorientime të adoleshentëve”. Më herët në rrjetet sociale z. Shehu u shpreh: “Kjo është një precedencë e rrezikshme në të gjitha planet, që mund të shtyjë drejt devijimit nga norma të prirjeve seksuale të këtyre fëmijëve akoma adoleshentë”.
Edhe deputetë të tjerë të Partisë Demokratike janë shprehur me tone që në rast se nuk shpjegohen më tutje, rrezikojnë të krijojnë përshtypjen sikur në Partinë Demokratike mbizotëron mendimi se të qenit LGBT është në vetvete një sëmundje, apo po të përdornim fjalët e deputetit Shehu: “devijim nga norma”, pra jo normale.
Për këtë arsye, pyetja për të cilën ne kërkojmë zyrtarisht një përgjigje nga ana juaj, për të sqaruar sidomos komunitetin LGBT që voton partinë tuaj është:
A mendon zyrtarisht PD se homoseksualizmi është sëmundje?
(E.K/FAXWEB)
Discussion about this post