Lektorja Majlinda Keta ka qenë e ftuar sot në emisionin e mëngjesit në ‘’Fax Neës” për të diskutuar në lidhje me debatin e fundit mbi LGBT.
Keta u shpreh se ideja për të diskutuar mbi bullizmin nuk mund të kanalizohet vetëm në këtë pjesë komuniteti, pasi ka shumë forma të tjera të tij. Po ashtu lektorja u shpreh se në 27 vite tranzicion themelet e familjes janë tronditur herë pas here.
‘’Ka një trinom mes familjes, kombit dhe shtetit. Sa kohë që Bashkia nxjerr politika strehimi për këtë komunitet dhe jo për qindra gra të dhunuara, bën që ketë një hov kjo çështje. Unë jam shumë dakord që Bashkia do të jetë promotore, po nuk kam kuptuar asnjëherë sesi aty ku ka nëna që dhunohen, që rrisin familje në nevojë nuk pamë një nismë të Bashkisë që të thojë se këtë vit 60 banesa do të jenë për këto nëna.
Në BE lëvrohet para e madhe për këtë komunitet, dhe duke qenë se janë marrë projekte, u zgjodh shkolla për t’u aplikuar. Unë nuk mendoj se janë shembuj negativist, po përkundrejt fenomenti të bullizmit, nuk mund të kanalizohemi vetëm në kategorinë e mostolerancës ndaj tyre.
Shkolla nuk mund të jetë një han pa porta, nuk mundet që një njeri sado profesionist, të vijë nga rruga dhe të futet në një klasë pa asnjë përgatitje.
Shkolla mbi të gjitha ka një element, elementin e sigurisë mendore dhe sigurinë fizike, dhe asnjë nuk aplikohet. Rama është ekspert dhe di shumë mirë që ta manipulojë opinionin publik, por sot i bëj një thirrje të drejtpërdrejtë: Hiq dorë nga shkolla. Kemi mbetur shumë pak për tu ndalur dhe copëtuar në tema të tilla”, u shpreh Keta.
(E.K/FAXWEB)
Discussion about this post