Kreu i LIBRA, Ben Blushi në hapjen e fushatës për zgjedhjet e 25 qershorit tha se partia e tij LIBRA do të fitojë zgjedhjet. Blushi tha se do të kërkojë një votë morale.
“Është dita ku kemi ardhur dhe jemi mbledhur në Tiranë për të festuar fitoren tonë në këto zgjedhje dhe mos i duket askujt shaka se ne mund ti fitojmë zgjedhjet dhe do ti fitojmë zgjedhjet. Ne do bëjmë bashkë Shqipërinë morale dhe të kërkojmë votën morale të Shqipërisë. Ata që duan ta mbajnë Shqipërinë peng të së kaluarës, ata që duan ta mbajnë Shqipërinë në varfëri, ata le të votojnë për qeverinë, për qeverinë e Saliut dhe Edi Ramës. Kush ka një votë morale në Shqipëri, kush beson që Shqipëria mund të bëhet ka vetëm një rrugë dhe rruga jona është Libra.
Blushi sulmoi dy partitë e mëdha PD dhe PS duke thënë se të dyja kanë ndryshuar emrat, njëra çadër dhe tjetra kërpudhë. Të dyja kanë një ngjashmëri tha Blushi, vijnë nga lagështia.
“Pashë që kjo partia e çadrës se në fakt i kanë ndryshuar emrat këta, çadra dhe kërpudha, të dyja kanë një të përbashkët. Vijnë nga lagështia kurse LIBRA vjen nga drita e diellit, prandaj jemi të verdhë”,-tha Blushi.
(M.D/ Shuplaka)
Discussion about this post