Kryetari i LIBRA-s, Ben Blushi ka reaguar mëngjesin e sotëm në llogarinë e tij në “Facebook” lidhur me udhëzimet që mundet të pengojnë regjistrimin e LIBRA-s në zgjedhje.
Duke iu referuar udhëzimeve të propozuara nga Komisioni Qendror i Zgjedhjeve, ai shprehet se ky vendim nuk është mendje e Bibave të KQZ-së, por e bandës së Rilindjes.
Sipas Blushit, e gjitha kjo që po ndodh është njësoj si ta bësh 1 Qershorin, 1 Prill.
Reagimi i Ben Blushit:
KQZ KERKON TË NXJERRË LIBRA JASHTË LIGJIT
Pabesisht KQZ ka propozuar një akt që kërkon të bllokojë pjesëmarrjen e LIBRA-s në zgjedhjet e ardhshme të 18 qershorit. Sipas Kodit Zgjedhor një parti e cila ka një mandat deputeti, gjashtë muaj përpara ditës së zgjedhjeve, mund të rregjistrohet në zgjedhje.
LIBRA ka dy mandate deputetësh dhe e përmbush këtë kusht. Por KQZ ka propozuar një udhëzim sipas të cilit data referencë e rregjistrimit nuk është dita e zgjedhjeve por dita e dorëzimit të listave të deputetëve. Pra jo 18 qershori por 28 prilli.
Ky akt është totalisht i personalizuar dhe bëhet vetëm për të penalizuar LIBRA.Kjo është njëlloj sikur 1 qershorin ta bësh 1 prill me vendim KQZ-je.
Natyrisht nuk është mendja e BIBAVE të KQZ por e bandës së Rilindjes. E kanë kot. LIBRA do shkojë në zgjedhje me cdo kusht dhe me cdo cmim pavarësisht nga Bibat, Bubat, Babat dhe Bebat e Rilindjes!
(XH.A/SHUPLAKA)
Discussion about this post