Princi William ndaloi Meghan Markle të vendoste bizhuteritë e princeshës së ndjerë Diana në dasmën e saj me Princin Harry, thuhet në një libër të ri. Sipas korrespondentit dhe autorit mbretëror Robert Jobson, Princi i Uellsit ishte i shqetësuar për marrëdhënien e shpejtë të vëllait të tij me Markle.
Në një fragment nga libri i tij i ardhshëm, “Catherine, Princesha e Uellsit”, të siguruar nga Daily Mail, Jobson tha se trashëgimtari aktual i fronit i kërkoi vëllait të tij më të vogël të “ftohte marrëdhënien” duke i dhënë Markle një mundësi për t’u përshtatur me mënyrën mbretërore të jetës përpara se të martoheshin.
“William kërkoi garanci nga Mbretëresha se nusja e ardhshme e vëllait të tij nuk do të vendoste asnjë bizhuteri nga koleksioni i Dianës, edhe pse gruaja e tij Catherine ishte lejuar ti vendoste” ka shkruar Jobson.
Autori mbretëror pohoi se marrëdhëniet midis vëllezërve u përkeqësuan shumë përpara se Markle të bashkohej me grupin mbretëror. Marrëdhënia e tyre e vështirë u përkeqësua vetëm kur Harry prezantoi ish-aktoren me William dhe Kate Middleton, pasi Jobson vëren se mbreti i ardhshëm ishte i shqetësuar nga ritmi me të cilin Harry dhe Markle po përparonin.
