“Lidhen prej flokësh”, motrat Istrefi publikojnë klipin e ri muzikor

Prej disa kohësh është përfolur në media për bashkëpunimin muzikor të motrave Istrefi, Norës dhe Erës.

Më në fund ky duet u publikua nga dy këngëtaret.

Kënga ritmike “Nuk e di” e Erës dhe Norës pritet tanimë të pushtojë lokalet verore dhe klubet e natës. Kënga në fjalë flet për dashurinë ndaj një mashkulli, i cili nuk është më pranë “saj”.

Sa i takon videoklipit të shumëpritur, sekuencat vërtiten rreth motrave Istrefi të cilat shfaqen të lidhura prej flokësh, të kombinuara në ngjyra, rroba e stil, si dhe mjaft sensuale.

Ky duet mund të përkthehet si një lëvizje e mirëmenduar e Era Istrefit, e cila prej disa kohësh është katapultuar në tregun ndërkombëtar muzikor, për të tërhequr në këtë të fundit edhe Norën.