Gazetari Erion Kristo i ftuar në emisonin “Aktualitet” duke diskutuar për antentatin ndaj prokuroriit Arjan Ndoja në Durrës dhe lidhjen me politikën u shpreh se është shqetësuese që bandat të lidhen me politikën.
“Unë nuk e dalloj dot dhe është shumë e çuditshme, që histori me banda ka pasur gjithmonë, nuk më shqetëson që del në skenë një bandë e re, por më shqetëson që është e lidhur me qeverisjen. Këto shfaqen çdo ditë, mbi gjithë gjërat e tjera që ne duhet të diskutonim si shoqëri. Nuk na bie rradha, sepse çdo dy tre ditë del ndonjë nga këta, për çdo që del u ditka çdo gjë që ky ka bërë ky person. Këta janë mes nesh. Të gjithë ato që flasin për këtë dinë çdo gjë?! Si mund të dinë çdo gjë për krimin?!
Këta janë të lidhur dhe me organet e drejtësisë. Sa herë që diskutohet për ndonjë bandë kriminale, shfaqet dhe një me imunitet. Po të marrësh hartën e Shqipërisë, ku të vendosësh pëllëmbën është një bandë. Kontrollojnë të gjithë hapësurat e Shqipërisë dhe shumë sektorë. Janë mes nesh dhe janë të mbrojtur. Sapo i del emri zbulojmë se kanë kryer disa krime. Nuk janë në burg, por janë në makinat e titullarëve të shtetit.”– u shpreh Kristo.
