Prokurori i Përgjithshëm Adriatik Llalla, bëri disa deklarata shumë të forta mbrëmjen e sotme nga studioja e emisionit “Opinion” të gazetarit Blendi Fevziu.
Llalla deklaroi se aktualisht 7 deputetë të kuvendit të Shqipërisë janë në proces hetimi.
“Prokuroria e rrethit gjyqësor Tiranë, lidhur me konfliktin e disa zyrtarëve të lartë filloi hetimet. Disa deputetë kanë përfituar tendera në një kohë kur nuk mund t’i përfitonin ato, dhe në mënyrën se si i kanë përfituar. Kemi kërkuar sekuestrimin e serverit të Ildkpik në funksion të hetimit që po kryhej. Duhet të jemi të qartë se ILDKPIK është institucion i transparencës. Deputeti Kokëdhima është një prej tyre. Ambasadori Donald Lu, mendon të realizojë pengimin e hetimeve për rastin konkret. Pra kërkoi të mbronte tre deputetë. Nuk është rastësore, fakti që ai mban këtë qëndrim idhur me serverin, gjykatësi që dha vendimin po ashtu, që ka edhe bashkëshorten në ambasadë mbi të gjitha, nuk më duket rastësore.
Nisur nga rastet konfliktit të interesit të 3 deputetëve që kanë përfituar tendera Prokurori I çështjes ka gjykuar se është I nevojshëm për shkak të hetimit. Fakti që ne kërkuam sekuestrimin u ankimuan nga ILDKPIK në gjykatë. Gjyqtari përkatës që mori vendim për të anulluar vendimin e sekuestrimit , bashkëshortja e tij punon në Ambasadën Amerikane.”, tha Llalla.
Ndërkohë, kryeprokurori shtoi se janë pikërisht 7 deputetë nën hetim në kuadër të ligjit të dekriminalizimit..
“7 deputetë janë nën hetim. Peza është sërish nën hetim. Deputetët janë në proces verifikimi.”, janë fjalët e Llallës. (D.D/Shuplaka)
