“Ligji i luftës” me Greqinë, Bushati: Jemi më afër zgjidhjes

Ministri i Jashtëm, Ditmir Bushati  i ftuar mbrëmjen e sotme në emisionin “Top Story” ka folur rreth çështjes së “ligjit të luftës” të Athinës.

 Ai është shprehur se diskutimet vazhdojnë dhe se të dy palët ajnë afër një zgjidhje.

“Është një çështje që nuk do të doja të prodhoja lajm, por me bindje të plotë them sonte që për ligjin e luftës jemi shumë herë më afër zgjidhjes seç kemi qenë para një apo dy vitesh”, tha ai.

Ndërkohë ai e quan një praktikë të papranueshme këtë ligj.

“Por ka patur një politikë mohimi të ligjit të luftës nga qeveri të ndryshme në Greqi. Nuk është konsideruar si çështje. Ka qenë një proces i vështirë për të identifikuar çështjen. Sot Athina dhe Tirana i kanë përcjellë njëra-tjetrës në këtë 2-vjeçar disa opinione dhe takime për çështjet shqetësuese të palëve. Për një pjesë ka një ide të qartë sesi zgjidhen dhe ka relativisht dakordësi për mënyrën e zgjidhjes”, tha ai. (S.SH/Shuplaka)