Anëtarët e Gjykatës Kushtetuese do të vendosin përfundimisht këtë të mërkurë dhe të enjte, nëse ligji i Vettingut është apo jo në përputhje me Kushtetutën dhe nëse cënon apo jo të drejtat themelore të njeriut.
Bazuar në ligjin e Gjykatës Kushtetuese, vendimet e 8 gjyqtarëve duhet të merren me shumicën e votave dhe abstenimi nuk është një opsion.
Sipas televizionit “Top Channel”, vendimmarrja mund të mos arrihet dhe kërkesa e Partisë Demokratike mund të rrëzohet.
TCH i referohet një burimi diplomatik i cili nuk dëshiron të identifikohet, por deklaron se gjyqtarët e kushtetueses janë ndarë paraprakisht.
Katër prej tyre janë në favor të kalimit të ligjit të Vetting-ut kështu siç është, dy të tjerë kërkojnë miratimin e tij por me ndryshime të vogla dhe vetëm dy janë për kthimin e tij mbrapsht.
Bazuar në këtë informacion, TCH arrin në përfundimin se kërkesa e PD-së do të rrëzohet. (D.D/Shuplaka)
