Ligji i Vettingut, prokuroria nis krijimin e strukturave të reja

Prokuroria e Përgjithshme nis zbatimin e dispozitave ligjore për krijimin e strukturave të reja që parashikohen nga Reforma në Drejtësi.

Ky institucion ka njoftuar Prokurorët e interesuar për pozicionin e anëtarit të Këshillit të Lartë Prokurorisë, për kohën se kur duhet të paraqesin dokumentet.

Në njoftimin e publikuar edhe në faqen zyrtare të institucionit, por edhe të dërguar me letër, thuhet se prokurorët e interesuar për pozicionin e lartpërmendur, i paraqesin Prokurorit të Përgjithshëm dokumentacionin përkatës jo më vonë se 1 muaj nga hyrja në fuqi e ligjit 115/2016 “Për organet e qeverisjes së sistemit të drejtësisë”. (D.D/Shuplaka)