Deputeti Artur Roshi ka depozituar në Kuvend një nismë ligjore për ndryshimin dhe shtesa në ligjin, për dëmshpërblimin e ish të dënuarve politikë të regjimit komunist.
Sipas Roshit ky projektligj ka për synim ndër të tjera që të mos prekë dëmshpërblimet bazike të mbijetesës, që ka përfituar ish i dënuari dhe ish i përndjekuri politik nga ligje të tjera të mëparshme.
Po ashtu në projektligji kërkohet që familjarët e viktimave,të pushkatuar pa gjyq, të pushkatuar apo ekzekutuar me dënim politik të padrejtë, të perfitojnë dëmshperblimin financiar në masën e 25 viteve kompesim dënimi me burgim,me dënimin maksimal mbas faljes së jetës.
Projektligji i propozura nga Roshi
Sot dorezova ne Kuvend Nismen Time te Pare Ligjore, PROJEKTLIGJIN “PËR DISA NDRYSHIME DHE SHTESA NË LIGJIN NR.9831,DATE 12.11.2007, ”PËR DËMSHPËRBLIMIN E ISH TË DËNUARVE POLITIKË TË REGJIMIT KOMUNIST”,TË NDRYSHUAR”.
Ky projektligj ka për qëllim:
- Të përputhë ligjin e dëmshpërblimit të ish të dënuarve politikë të regjimit komunist Nr. 9831,datë 12.11.2007 me ligjin Nr.7748,dt.29.07.1993, që përcakton statusin e ish të dënuarve dhe përndjekurve politikë.
- Të mos prekë dëmshpërblimet bazike të mbijetesës,që ka përfituar ish i dënuari dhe ish i përndjekuri politik nga ligje të tjera të mëparshme
- Familjarët e viktimave,të pushkatuar pa gjyq, të pushkatuar apo ekzekutuar me dënim politik të padrejtë, të perfitojnë dëmshperblimin financiar në masën e 25 viteve kompesim dënimi me burgim,me dënimin maksimal mbas faljes së jetës.
Me ne fund na u dha rasti qe gjithe ato qe kemi kerkuar per 30 vite,duke deleguar besimin tek te tjeret,ti shprehim vete drejteperdrejte.
Shpresoj qe kete projektligj ta mbeshtesi ndergjegjia njerezore dhe jo politike.
A.Roshi
Discussion about this post