Gjorge Ivanov presidenti i Maqedonisë ka folur në Kuvendin e Maqedonisë, para deputetëve. Ivanov gjatë kësaj seancë përmendi “platformën e Tiranës” për të cilën tha se u shndërrua në një krizë kushtetuese. Të pranishëm janë edhe ambasadorë të huaj të akredituar në vend.
“Ligji për gjuhën shqipe po cënon karakterin unitar të shtetit”, tha Ivanov, raporton Koha.net.
“Mandatin e kam dhënë vetëm pasi u dhanë garanci me shkrim, për mbrojtjen e integritetit të vendit. Kriza e gjatë politike u reflektua edhe në ekonomi. Në raste se para një kohe ishim të parët në rajon sa i përket fushës së ekonomisë, tani jemi të fundit”, tha Ivanov.
Gjithashtu ai foli dhe për kushtet e burgjeve në vend duke u shprehur se ato janë në kushte të mjerueshme.
“Është e domosdoshme lufta kundër krimit dhe korrupsionit. Nga ana tjetër burgjet tona janë të stërmbushura, derisa kushtet atje janë të mjerueshme”, tha Ivanov. Gjatë fjalimit Ivanov, kërkoi edhe pavarësi për gjyqësorin.(M.Q/Faxweb)
