Kryetari i grupit parlamentar të Lëvizjes Socialiste për Integrim, Petrit Vasili, ka reaguar lidhur me ligjin që pritet të votohet në Kuvend dhe që i hap rrugë shembjes së Teatrit Kombëtar.
Me anë të një reagimi në rrjetet sociale, Vasili i bën thirrje kryetarit të Kuvendit, Gramoz Ruçi, që të mos lejojë, atë që ai e quan, si kriminalizim dhe delegjitimim i Kuvendit.
“Ligji i teatrit dhe votimi antikushtetues ne Komisionin e Veprimtarive Prodhuese eshte fundi i parlamentit.
Gramoz Ruçi ka shansin e fundit per te mos lejuar germadhen e parlamentit,qe te shembet krejtesisht.
Degjenerimi kushtetues dhe procedurial i parlamentit eshte nje realitet,qe asgjeson Republiken Parlamentare dhe e zhyt vendin ne kaos politik.
Hajduteria histerike nuk po duron dot qe te vjedhe sa me pare token e teatrit.
Gramoz Ruçi ka pergjegjesi kushtetuese te renda dhe duhet te ndale menjehere kete puç te konsumuar diten per diell per te mos u bere ortak i hapur me hajdutet”, – shkruan Vasili.
Sipas tij, “Ai eshte kryetar i kuvendit te te gjithe popullit dhe jo avokat i kusareve.
Dekreti i presidentit ne se votohet pro e kthen ligjin per ripunim ne kuvend,per tu riparaqitur perseri me ndryshimet qe do te propozohen t’i behen .Kjo eshte kaq e qarte sa s’behet”.
Vasili shprehet se Ruçi ka përgjegjësinë të ndalë kërë shqyerje të Kushtetutës, në të kundërt ai do të jetë bashkëpërgjegjës.
“Padurimi i hajduteve te qeverise,qe mezi presin te fusin prenë ne dore,token e teatrit per ta shqyer kerkon te shqyeje dhe Kushtetuten dhe Parlamentit.
Ruçi ka detyren dhe pergjegjesine t’i ndale ne te kundert edhe ai eshte bashkepergjegjes,ortakdhe perfitues ne kete vjedhje gjigande dhe do te marre persiper pasojat per delegjitimimim e Parlamentit dhe zhytjen e tij ne kaos”, – thotë Vasili.
( B.B/ Faxweb.al)
Discussion about this post