Koreja e Veriut dhe Koreja e Jugut janë pajtuar për rinisjen e dialogut midis zyrtarëve ushtarakë, në përpjekje për të ulur tensionet.
Marrëveshja u arrit të martën gjatë bisedimeve për pjesëmarrjen e Koresë së Veriut në Lojërat Olimipike që do të mbahen në muajin shkurt në Korenë e Jugut.
Kanë qenë këto bisedimet e para në dy vjet midis përfaqësuesve të të dyja vendeve, njofton rel.
Në një deklaratë të përbashkët pas takimit të tyre në një fshat në zonën e demilitarizuar që ndan Gadishullin Korean, delegatët e të dyja palëve thanë se janë pajtuar për zgjidhjen e mosmarrëveshjeve përmes “dialogut dhe negociatave”.
Në deklaratë po ashtu u tha se Lojërat Olimpike do të ndiqen nga një delegacion i Koresë së Veriut, i cili do të përfshijë zyrtarë qeveritarë, atletë, gazetarë e të tjerë.
Ky kontakt me dy koreve vjen pas një klime të tensionuar të marrëdhënieve mes Koresë së Veriut dhe SHBA-së për shkak të aktivitetit bërthamor të Koresë së Veriut. (B.H/Faxweb)
Discussion about this post