Gjykata e Apelit ka liruar këtë të mërkurë për mungesë provash Olsi Qalliajn, i arrestuar pak kohë më parë si i dyshuar për vrasjen e Jurgen Kurtit në datën 18 mars të këtij viti.
Apeli ka ndryshuar masën e sigurisë nga “arrest me burg” në “detyrim paraqitje”, njëlloj siç bëri me Gjergj Cukalin. Olsi Qalliaj është arrestuar nga Policia e Tiranës së bashku me dy persona, të cilët dyshoheshin si të përfshirë në ekzekutimin e Jurgen Kurtit.
Vrasja e Jurgen Kurtit u krye në datën 18 Mars në rrugën “Zef Jubani” në kryeqytet, poshtë pallatit ku 26-vjeçari jetonte së bashku më të ëmën e tij.
Kurti ishte një person i njohur për mediat dhe policinë, pasi ai kishte qenë i përfshirë më herët në vrasjen e të atit dhe të Agim Arapit në qytetin e Durrësit. Për të dyja këto ngjarje ai ishte shpallur i pafajshëm nga ana e Gjykatës.
Disa ditë pas vrasjes u shpall në kërkim dhe djali i Agim Arapit, po ai i mohoi akuzat që të kishte gisht në këtë ngjarje, duke sqaruar se nuk kishte ardhur në Shqipëri që prej muajit Janar të këtij viti. (Lexo ketu)
(M.Q/Faxweb.al)
