Lihet i lirë ish-prefekti i Fierit, shifra e majme që la si garanci

Gjykata e Tiranës ka lënë të lirë ish-perfektin e Fierit Bujar Hasaj.

Ai u la i lirë në këmbim të garancisë pasurore prej 13 milionë lekësh, ndërsa iu bllokua pasaporta, në mënyrë që t’i ndalohet dalja jashtë vendit.

Hasaj ra në prangat e Policisë nën akuzën e mashtrimit, pasi dy persona e kanë denoncuar se u ka marrë 400 mijë euro.

Avokatët e tij u shprehën se akuza nuk qëndron, dhe se Hasaj ishte i pafajshëm.

Hasaj e ka shtrirë aktivitetin e tij të biznesit në fushën e ndërtimit.

Akuzat:

Hasaj akuzohet se së bashku me një tjetër person me inicialet P.P. kanë mashtruar 2 persona, një shtetas shqiptaro-kanadez dhe një shqiptar nga Laçi duke u marrë mbi 300 mijë euro (260 mijë dollarë dhe 50 mijë euro). Ish-Prefekti Hasa sipas policisë i ka shitur një kanadezi me inicialet B.H. një dyqan në Tiranë, por me dokumente false, ndërkohë që i mori 260 mijë dollarë.

Sipas burimeve të prokurorisë shtetasit shqiptaro-kanadez, Hasa i ka shitur dhe tre apartamente të tjerë, ku njërin prej tyre ja ka marrë me dokumente false dhe më pas e ka vendosur kolateral në një bankë të nivelit të dytë, në të cilën kishte marrë kredi. Po ashtu edhe shqiptarit me inicialet D.M.,i shiti një apartamentet me dokumente false duke e mashtruar, pasi të njëjtin apartament e kishte shitur dhe njëherë tjetër.

(E.K/FAXWEB)