Sabjen Lilaj, mesfushori i Skënderbeut, në një prononcim pas ndeshjes së Skënderbeut ndaj Yong Boys që përfundoi në barazim 1-1 ka thënë seekipi korçar duhet të ishte treguar më i vëmendshëm në mbrojtje natën e sotme.
“Jemi të mërzitur për mosarritjen e 3 pikëve, por të kënaqur për lojën e mirë. Duhet të jemi më të kujdesshëm te rasti i golit dhe kundërshtari na kapi 2-3 herë në befasi dhe në disa aksione të lodhura. Në Europa Ligë duhet të jesh 90 minuta i vëmendshëm, ndërsa në Shqipëri mund të përfitosh pak nga kundërshtari.
Roli? Unë jam gati të luaj në çdo rol në mesfushë, qoftë pak më i spostuar më përpara, ose pak më mbrapa. Kjo ka pak rëndësi.
Nimaga? Sigurisht që kur kam Nimagën kam më shumë hapësira për të organizuar sepse merret ai me mbrojtjen, ndërsa me Xhejmsin dhe Muzakën duhet të qëndroj më i tërhequr. Por me të gjithë merremi vesh me sy mbyllur dhe kjo më bën të lumtur”, tha Lilaj në RTSH pas ndeshjes.
(B.H/Shuplaka)
Discussion about this post