Teksa ministri i Jashtëm gjerman ishte në Tiranë dhe foli në deklaratën për mediat me kryeministrin Rama, tonet e tij tingëlluan të ashpra për opozitën.
Ai i bëri thirrje opozitës të braktisë bojkotin dhe të kthehet në parlament sepse asgjë nuk justifikonte qëndrimin e saj në çadër.
Deklaratat e ministrit të Jashtëm gjerman në Tiranë Sigmar Gabriel, pak ditë më parë, habitën jo pak politikën në vend, por edhe ndërkombëtarët.
Deklaratat e tij bënë që shërbimi në shqip i agjencisë gjermane Deutsche Welle, pyeti zyrtarisht ministrinë e Jashtme të Gjermanisë, nëse deklaratat e tij ishin shtetërore apo private.
Por ditë pas kësaj vizite janë zbardhur edhe detaje të reja në lidhje me vizitën e Gabriel në Tiranë.
Ministri gjerman në Tiranë mësohet se ishte i shoqëruar në Tiranë nga bashkëshorti i ish-aktores shqiptare Ema Ndoja.
Kjo e fundit është e martuar me ish-politikanin gjerman Rezzo Schlauch i cili është edhe anëtar i bordit të Abi-Bank në Tiranë dhe një lobist i fuqishëm në politikën gjermane për Edi Ramën.
Ema Ndoja, njihet edhe si ish e dashura e Edi Ramës.
Nga ana tjetër, Rezzo Schlauch si ish-politikan me lidhje të forta në Berlin, ai mësohet se bën lobingun më të fortë për Ramën në Berlin. Ai sot është në bordin e ABI-Bank bashkë me Linda Ramën.
SYRI.net
