Lindi fëmijën, 26 vjeçarja zbulon pas 26 ditësh të vërtetën shokuese

Një grua në Bangladesh ka lindur binjakë pothuajse një muaj pas lindjes së një foshnje të parakohshme, kështu është shprehur mjekja e saj për BBC-in.

Arifa Sultana, 20 vjeç, pas lindjes së një fëmije në fund të shkurtit, 26 ditë më vonë ka shkuar sërisht në spital pas disa krizave në stomak, ku mesa duket këto nuk kishin qenë kriza stomaku, por dhimbje lindje pasi mjekët zbuluan se ajo ishte ende shtatzënë me binjakë në një mitër të dytë, dhe kryente një emergjencë cezariane.

Binjakët e saj u lindën të shëndetshëm dhe pa komplikacione, pavarësisht tronditjes së 20 vjeçares.

Dr Sheila Poddar, mjeke e spitalit që mori përsipër operacionin cezarian që ju dha jetë binjakëve në lindjen e dytë u shpreh se: “Kur pacienti erdhi ne kemi kryer një ultratinguj mbi të dhe kemi gjetur se ka binjakë. Ne ishim shumë të tronditur dhe të habitur. Nuk kam parë asnjëherë diçka si kjo.”

Sipas Dr Poddar, zonja Sultana dhe bashkëshorti i saj janë “shumë të varfër” dhe për shkak të kësaj ajo e kishte të pamundur ta përballonte koston e trajtimit  kështu që asnjëherë nuk kishte bërë ultratingull, në kohën e lindjes së saj të parë.

“Ajo nuk kishte asnjë ide se kishte dy foshnja të tjera,” tha Dr Poddar. “Ne kryem një cezariane dhe ajo solli binjakë, një mashkull dhe femër”.

20-vjeçarja dhe të sapolindurit e saj u liruan nga spitali më 25 mars, katër ditë pas lindjes.

“Fëmijët dhe të gjithë janë të shëndetshëm, jam shumë e lumtur që gjithçka ka shkuar mirë,” tha Dr Poddar.

Fenomeni i ndodhur sipas mjekes  nuk është i pamundur, ajo thotë se: “Është e mundur që tri vezë të ovuluar dhe të fekonduar në të njëjtën kohë gjatë periudhës së saj pjellore që rezultoi në tre embrione”.

Zonja Sultana tha se ishte e lumtur me fëmijët e saj, por ishte e shqetësuar se rritja e tyre do të shkaktonte një shtrëngim edhe më të madh  mbi gjendjen e saj financiare, përcjell agjensia e lajmeve AFP, pasi sipas saj burri i saj fiton më pak se 6,000 taka (£ 53; $ 95) një muaj si një punëtor. Gjithsesi ajo u shpreh se ai do të “përpiqej më mirë”.