Ministrja e Arsimit Lindita Nikolla nuk i ka shpëtuar sot një lapsus teksa foli për publikoi një ankesë të një qytetari i cili ishte i papunë. Duke lexuar mesazhin e ardhur nga qytetari në vend që të shpreheshe që ai ishte pjesë e PD-së që në vitin 1992 ajo u shpreh se ishte pjesë që nga viti 1912. Por menjëherë e rregulloi ministrja lapsusin e saj.
Vihet re që në fillimin të komunikatës ministrja ishte e emocionuar dhe shpeshherë rregullonte flokët e saj.
“Përmes platformës që bashkëqeverisjes me njerëzit ka mbërritur ky mesazh: ‘Zoti Kryeminsitër unë që po ju shkruaj jam me profesion mësues. Jam i persekutuar politik. Ish kryetar Komune në Kastrat Malësi e Madhe, anëtar i Partisë Demokratike që prej viti 1912, më falni 1992, i papunë që nga viti 2013. Kam aplikuar në portalin mësues për Shqipërinë dhe jam renditur i pari në degën Gjeografi në Malësinë e Madhe por për fat të keq në punë ka hyrë i dyti i portalit. U drejtova tek ju pasi nuk kam gjetur zgjidhje. Me shumë repekt dhe shpresë Gjiovalin Veshtaj’.
Kam kënaqësinë tju informoj se që prej ditës së djeshme qytetari që nuk heshti e fitoi të drejtën dhe nisi punë. Ndërkohë kam filluar procedimin për gjetjen e përgjegjësve dhe shkarkimti të Drejtuesve të Zyrës Arsimore Malësi e Madhe”, u shpreh Lindita Nikolla. (J.V/Faxweb)
Discussion about this post