Lindita Nikolla merret në pyetje nga deputetët, Edi Rama i jep instruksione (Video nga Kuvendi)

Sot në seancën plenare ka pasur një interpelancë nga ana e deputetëve të LSI-së për ministren e arsimit Lindita Nikolla.

Ajo që vihet re gjatë seancës është fakti se ministrja Nikolla merr instruksione nga kryeministri Rama.

Në videon e siguruar nga ‘’Faxweb.al” shihet sesi Rama mundohet që ti shpjegojë Nikollës me duar situatën.

Lindita Nikolla u shpreh gjatë fjalës së saj para deputetëve se asnjë Universitet nuk është në koas.

Ajo u shpreh se problemet e brendshme që ka Universiteti i Tiranës nuk mund që ti vishen të gjithë sistemit.

“Vij edhe më me dëshirë që të tregoj ndryshimin me ata që drejtojnë Komisionin e Arsimit dhe të medias. Largimi im nga posti i ministrit të arsimit vonoi implementimin e Reformës, dhe miratimin e akteve  nënligjore.

Asnjë Universitet Publik nuk është sot në kaos. Problemet e brendshme që ka sot Universiteti i Tiranës nuk mund që ti vishen të gjithë sistemit. Edhe këto probleme që janë në UT do të zgjidhen shumë shpejt.

Qeveria është e angazhuar për rritjen e granteve të Universiteteve. Unë e di që gjatë 8 viteve të qeverisjes së djathtë tarifat janë rritur në mënyrë konstante çdo vit, dhe unë nuk e kam komentuar aspak këtë. Po ju nuk mund të vazhdoni me akuza dhe kur jeni në opozitë”, u shpreh Nikolla.

(E.K/FAXWEB.AL)

https://www.youtube.com/watch?v=hRAr3kOihN8&feature=youtu.be

https://www.youtube.com/watch?v=Ge70sFrDTjM&feature=youtu.be

https://www.youtube.com/watch?v=4zJPauWUWVs&feature=youtu.be