Shefi i Zyrës për Kosovën dhe Metohinë Marko Gjuriç në qeverinë e Serbisësë , ka përuruar linjën hekurudhore Beograd – Mitrovicë me trenin më të ri të ardhur nga Rusia. “Për Vitin e Ri serb zyrtarisht do të udhëtojë treni në linjën Beograd – Mitrovicë.
Ai do të udhëtojë përmes destinacionit Beograd – Mlladenovac – Lapovo – Kragujevac – Rashkë – Mitrovicë. Ky do të jetë një tren me shpejtësi të lartë dhe nuk do të ndalet në çdo urë”, ka thënë Gjuriç. Gjuriç theksoi se çmimi i biletës do të jetë gjysëm për gjysmë më i lirë sesa i autobusëve.
Treni modern rus është i zbukuruar me motive të trashëgimisë kulturore dhe fetare serbe në Kosovë. “Treni është i zbukuruar me flamurin serb dhe emrat e kishave më të bukura serbe, manastiret dhe qyteteve mesjetare të Kosovës dhe Metohisë”, tha Gjuriq i cili tregoi se këtë vepër e ka kryer artisti Andreja Vasiljeviç. (A.T/SHUPLAKA)
Discussion about this post