Pas mbipopullimit për disa fundjava rradhazi, zona e Liqenit Artrificial në Tiranë është bllokuar me shirit për shkak të masave të ndërmarra në kuadër të parandalimit të COVID-19, dhe qytetarët nuk do të lejohen që të qendrojnë në këtë park.
Nga një vëzhgim i Fax News, ndryshe nga javët e kalauar zona e përreth Liqenit Artificial është e boshatisur dhe nuk ka lëvizje të qytetarëve.
Një ditë më parë kryeministri Edi Rama bëri të ditur se është shkarkuar shefi i Komisariatit nr.1 për shkak se liqeni u mbush plot me njerëz dy ditë më parë.
“Pse e mbyllni liqenin? Ja çfarë thotë njëri, po e mbyllim se pardje në orën 7 pasdite, liqeni ishte plot dhe Drejtori i Përgjithshëm i Policisë shkarkoi menjeherë kreun e Komisaritit Nr.1. Prandaj po i bëj dhe një thirrje të gjithë shefave të Komisaritëte dhe të gjithë policëve, nuk duhet të bëjnë asnjë tolerim kur shikojë shkelje. Qytetarët duhet të vijojnë të kenë të drejtat e tyre, por në zonat e kuqe nuk duhet të ketë asnjë tolerim”, u shpreh Rama.
Ndërkohë kujtojmë se fundjava do të jetë me të njëjtat rregulla si e kaluara në zonat e kuqe me pensionistët dhe prindërit me fëmijë deri në 14-vjeç me më shumë liridalje. Sot dhe nesër pensionistët lejohen të dalin lirisht deri në orën 10:00. Të gjithë të tjerët në shtëpi brenda kësaj fashe orare.
Prindërit me fëmijët deri në 14 vjeç do të lejohen të dalin lirisht nga ora 11:00 deri në orën 17:30, pra në momentin që pensionistët të jenë rikthyer në shtëpi. Sot do të qëndrojnë hapur vetëm ushqimoret dhe farmacitë deri në orën 17:30. Të dielën të gjitha mbyllur.
Discussion about this post