Asambleja e Përgjitshme e Kombeve të Bashkuara ka deklaruar datën 3 Maj si Ditën Botërore të Lirisë së Medias, me qëllim rritjen e ndërgjegjësimit për rëndësinë e gëzimit dhe ushtrimit të kësaj lirie dhe për t’i kujtuar qeverive detyrën e tyre për të respektuar dhe mbrojtur lirinë e shprehjes, të garantuar në Deklaratën Universale të të Drejtave të Njeriut.
Sipas Freedom House, liria globale e shtypit ra në pikën më të ulët në 13 vjet në vitin 2016, mes kërcënimeve të paprecedentë për gazetarët dhe mediat në demokracitë e mëdha dhe lëvizjet e reja nga shtetet autoritare për të kontrolluar mediat.
Vetëm 13 % e popullsisë së botës gëzon një shtyp të lirë. Raporti i fundit për vitin 2017 i Freedom House e rendit Shqipërinë me të njëjtin numër pikësh si në vitin e kaluar (51).
Në vendin tonë pavarësisht se në vijim media është quajtur si pushteti i katërt vazhdimisht ka qenë nën presionin e politikës.
Çdo ditë të dy kampet në vend flasin për media të kapura dhe nga ana tjetër vetë gazetarët në shumë raste shprehen të penguar në lirinë e trajtimit të lajmeve. (E.K/SHUPLAKA)
Discussion about this post