Një ndër temat më të debatuara sot në seancë plenare ka qenë lirimi i ish kreut të bandës së Durrësit, Lulzim Berisha, dhe përmendja e kryebashkiakut Vangjush Dako në vendimin e Gjykatës së Apelit.
Opozita ka kërkuar shkarkimin e Dakos, ndërsa është marrë në mbrojtje nga qeveria.
Gjatë fjalës së tij në Parlament, zv/kryeministri Niko Peleshi i është drejtuar opozitës duke thënë se është mëkatqë një kryebashkiak si Vangjush Dako të akuzohet për të tilla gjëra.
“Më vjen që një njeri si Vangjush Dako, kryetar bashkie i qytetit të dytë më të madh, kryebashkiak i suksesshëm, të njolloset nga një po të doni e quajmë aksident, po të doni e quajmë normalitet”, tha ndër të tjera Peleshi në fjalën e tij..
Ai sqaroi se, Bashkia e Durrësit ka pranuar të punësojë ish-kreun e bandës së Durrësit pas lirimit nga burgu pasi kjo është procedurë normale që ndiqet për rehabilitimin e të burgosurve pasi përfundojnë dënimin.
Discussion about this post