Prokuroria e Apelit në Durrës, do të ankimojë në Gjykatën e Lartë vendimin për lirimin me kusht të kreut të bandës së Durrësit, Lulzim Berishës.
Kujtojmë se Berisha është liruar me kusht nga gjykata me arsyen se vuante nga një sëmundje e rëndë dhe pesë vitet e mbetura të dënimit do t’i kalojë në shtëpi.
Për lirimin e të fortit të Durrësit reagoi ashpër edhe ambasadori amerikan në Tiranë Donald Lu.
”Lirimi i Lulzim Berishës është bërë për shkaqe të panjohura. Dua t’u them gjykatave të korruptuara se ky vendim është i papranueshëm”, ka thënë ditën e sotme ambasadori Donald Lu, duke shtuar se të gjithë duhet të indinjohemi.
