Avokati Kujtim Cakrani në një lidhje Skype për Faxnews ka komentuar lirimin me kusht të ish ministrit te Brendshëm Saimir Tahiri.
Në bazë të ligjit sipas Cakranit është shumë korrekt lirimi i Tahirit.
Sakaq shtoi se do jetë prokuroria që duhet të hetojë, mbi vërtetësinë e raportit, që lidhet pikërisht me sëmundjen e bashkëshortes së ish ministrit të Brendshëm që i dha lirinë atij.
Rikujtojmë se Tahiri pjesën e mbetur të dënimit, 20 muaj do e vuaj në banesën e tij pasi duhet të kujdeset për 2 fëmijët e tij, për shkak të problemeve shëndetësore të gruas së tij.
Cakrani: Kodi ynë penal i parashikon të tilla benefite. Nëse është ndjekur procedura sipas parashikimeve të ligjit që është ligji 59, pika a dhe b e saktëson që kur të dënuarit i kanë mbetur më pak se 2 vjet burg dhe një prej familjarve vuan nga një sëmundje dhe është në pamundësi për të rritur fëmijët, atëherë të lirohet.
Në bazë të ligjit është shumë korrekt lirimi i zotit Tahiri. Nëse do e shikojmë në këndvështrimin nëse ligji zbatohet i njëjtë për të gjithë, hajde ta diskutojmë. Nga eksperienca ime si avokat ka pasur shumë raste si Tahiri ku i kemi kërkuar gjykatës për lirimin me kusht. Gjykatat tregohen goxha të ngurta për të ndryshuar menyrën e vuajtjes së denimit.
Ajo që dua të theksoj sa i takon lirimit të Tahirit. Nuk dua të aludoj për dokumentacionin e tij, nëse bashkëshorja e tij ështe realisht e sëmurë. Ai është një problem që duhet ta hetojë prokuroria, nëse ka pasur një manipulim të raportit. Nëse ajo është në pamundësi shëndetësore ti rris fëmijët dhe ti mbajë ata, jemi përballë një ligjshmërie. Vendimi i gjykatës është korrekt.
Discussion about this post