Mbi 120 të dënuar të tjerë me burgim të përjetshëm pritet që në një të ardhme të afërt të lenë burgun, pas lirimit më të fundit të Lulzim Berishës. Në Kodin e ri Penal të zbardhur nga “Shqiptarja.com” renditen 3 kushtet që këta të burgosur duhet të përmbushin për t’u liruar me kusht.
Konkretisht: një i dënuar me burgim të përjetshëm, mund të lirohet nga gjykata nëse ai ka vuajtur të paktën 35 vite burgim dhe nëse gjatë kësaj periudhe të vuajtjes së dënimit është karakterizuar nga sjellja shembullore dhe qëllimi i riedukimit është arritur.
“Bazuar në rekomandimit Rec (2003) 22, projektligji u krijon mundësi për të kërkuar lirimin me kusht të gjithë të burgosurit e dënuar, duke përfshirë të burgosurit e përjetshëm”, thuhet në relacionin e ligjit.
Ligji i ri i Kodit Penal ndryshon në nenin 65 të Kodit aktual Penal që ndalon lirimin e të dënuarve me burgim të përjetshëm.
3 kushtet
1. Ka vuajti tridhjetë e pesë vjet burgim
2. Ka mbajtur sjellje shembullore
3. Qëllimi i riedukimit të tij është arritur
Të dënuar të tjerë gjithashtu do të përfitojnë me miratimin e këtij projektligji. Parashikohet që çdo i dënuar mund të lirohet me kusht, nëse ai ka vuajtur jo më pak se gjysma e dënimit me burgim të vendosur në lidhje me kundërvajtjet penale dhe jo më pak se dy të tretat e dënimit të vendosur në lidhje me krimet e dënueshme me burgim deri në pesë vjet.
Në projektligj u kushtohet vëmendje edhe të miturve, si subjekt të veprave penale duke shtuar llohet e dënimeve alternative që synojnë rihabilitimin e tyre. Kjo do i krijojë mundësinë organeve të drejtësisë që të zbatojnë masa edukuese dhe jo dënim me burg. (XH.A/SHUPLAKA)
Discussion about this post